Dushi vetëm katër herë në muaj ashtu sikurse e paraqet edhe rregullorja e brendshme, nuk është e mjaftueshme për të paraburgosurit, ndaj kanë protestuar dje duke paralajmëruar përshkallëzim të saj.
Dhjetëra të arrestuar për krime të ndryshme që presin dënimin nga Gjykata, janë organizuar duke i paraqitur drejtuesve përkatës një listë me kërkesa, ndër të cilat edhe ajo e larjes së tyre. Ata kërkojnë kushte më të mira, ndonëse ambienti ku janë vendosur jashtë drejtorisë së policisë, është ndërtuar në parametra funksionalë të kohës rreth një vit më parë.
Pra, aktualisht të paraburgosurit lahen një herë në javë, por ata kërkojnë të bëjnë dysh së paku dy herë në javë. Kërkojnë edhe takime më të shpeshta me familjarët e tyre”, u shprehën dje burime nga drejtoria e Burgut të Beratit. Të njëjtat burime bënë të ditur se të arrestuarit që janë në pritje të dënimeve të tyre, kanë kërkuar edhe ujë nëpër dhoma.(panorama)
