Një 50-vjeçar në gjendje të rënduar psikologjike, është hedhur nga kati i pestë i një pallati në Berat dhe si pasojë ka humbur jetën.
Policia bën me dije se ngjarja ka ndodhur rreth orës 13:40 në lagjen “Jani Vruho”. Viktima është identifikuar si shtetasi Ali Rama.
“Rreth orës 13:40 në lagjen “Jani Vruho”, dyshohet se në gjendje të rënduar psikologjike, është hedhur nga kati i pestë i një pallati, shtetasi Ali Rama, 50 vjeç, i cili për pasojë, ka humbur jetën.
Nga deklarimet e familjarëve shtetasi A.R, prej disa kohësh vuante nga probleme të shëndetit mendor.
Grupi hetimor vijon punën për sqarimin e plotë të rrethanave të ngjarjes”-njofton policia.
