Një 45-vjeçar është rrestuar nga Policia në Berat pasi qëlloi më çifte nga automjeti i tij drejt një automjeti tjetër ku ndodheshin tre persona.
Policia bën me dije se më herët ka patur një konflikt për motive të dobëta midis këtyre personave.
Nga të shtënat nuk kanë patur persona të lënduar ndërsa autori është kapur nga policia brenda pak orësh.
Sakaq, 45-vjeçarit i janë sekustruar arma e gjahut, dy gëzhoja, një shirit me fishek dhe një thikë.
“Specialistët e Seksionit për Hetimin e Krimeve të Komisariatit të Policisë Berat arrestuan shtetasin B. Q., 45 vjeç, banues në Berat, pasi dyshohet se gjatë natës, teksa drejtonte automjetin e tij, në lagjen “Ish Kombinati”, ka qëlluar me armë gjahu (çifte), si pasojë e një konflikti për motive të dobëta, në drejtim të automjetit me të cilin lëviznin shtetasit E. T., 29 vjeç, E. D., 25 vjeç dhe G. L., 25 vjeç”, njofton policia.
Sakaq, materialet i kaluan Prokurorisë pranë Gjykatës së Rrethit Gjyqësor Berat, për veprime të mëtejshme./Opinion.al
