Beqja sërish me pranga në Kryesinë e Kuvendit/ Ish-ministri në ditën e dytë për t’u marrë në pyetje nga Komisioni Hetimor
Ish-ministri i Shëndetësisë, Ilir Beqaj ka lënë përkohësisht qelinë për të ditën dytë radhazi për të dëshmuar në Komisionin Hetimor për Sterilizimin dhe Check-Up, mandati i të cilit përfundon ditën e sotme.
Ish-ministri Beqaj mbërriti në Kryesinë e Kuvendit, ku zhvillohet mbledhja, rreth orës 10:25, i shoqëruar nga forca policie dhe me pranga në duar.
Por, ashtu si ditën e djeshme, Ilir Beqaj u kujdes që të mos i dukeshin prangat. Ai i mbuloi me një xhup të zi, ndërsa në duar mbante edhe një çantë.
Ndërkohë mbledhja e së martës dështoi, pasi Ilir Beqaj edhe pse u paraqit në Komision që prej orës 10:20 të paradites së djeshme, nuk mundi të dëshmojë prej 9 orësh.
Shkak u bënë debatet nëse duhet të zgjatet mandati i Komisionit, i cili përfundon ditën e sotme më 13 nëntorit. Në këtë mënyrë dështoi dhënia e dëshmisë së ish-ministrit Ilir Beqaj në komisionin hetimor për koncesionet në shëndetësi.
Që në nisje të seancës Beqaj kërkoi që të gjithë deklaratën e tij, që ia lejon Rregullorja e Kuvendit, por dhe anëtarët e komisionit, ta prezantonte me tabela në “Power Point”.
