Papa Françesku ka marrë vendim kundër shugurimit të burrave të martuar në Amazonë.
Priftërinjve katolikë u kërkohet që të respektojnë rregullin e beqarisë pas shugurimit, përveç rasteve kur ata kanë qenë të martuar para konvertimit pasi beqaria konsiderohet përkushtim i jetës së dikujt ndaj Zotit.
Teksa ka përmendur zvogëlimin e ndjeshëm të numrit të priftërinjve katolikë në Amazonë, Papa u ka bërë thirrje peshkopëve “që të promovojnë lutjen” dhe të inkuarajojnë ata që dëshirojnë të bëhen misionarë, që të angazhohen në këtë rajon.
Kujtojmë se ky diskutim vjen pasi arqipeshkvë nga e gjithë bota u mblodhën në tetor të vitit të kaluar për të diskutuar të ardhmen e kishës në Amazonë, dhe në përfundim të takimit u propozua që në disa zona të largëta të rajonit priftërinjtë e martuar mund te shërbejnë.
Kjo pasi, vlerësohet që të paktën 85 për qind e banorëve të fshatrave në Amazonë, nuk mund të shkojnë në meshë çdo javë, si rezultat i mungesës së priftërinjve.
Mirëpo krahu konservator i Kishës Katolike, kryesisht në Evropë dhe Amerikën Veriore, ka kundërshtuar këtë ide, duke thënë se kjo masë mund të ndikojë në braktisjen e beqarisë në nivel global./Opinion.al
