Një aksident ka ndodh përgjatë Lungomares në afërsi të vendit të quajtur “Rrapi” në ujin e ftohtë.
Mësohet se një makinë tip “Mercedes” për shkak të shpejtësisë ka dalë nga rruga dhe është përplasur me palmat anës rrugës.
Si pasojë e përplasjes drejtuesi i makinës ka mbetur brenda në makinë pasi nga goditja e fortë makina është dëmtuar rëndë dhe shtrembëruar duke mos e lejuar të dali nga makina.
Është dashur ndërhyrja e zjarrfikëseve që kanë hapur llamarinën e makinës dhe kanë nxjerrë drejtuesin e Benzit dhe më pas është shoqëruar në spital me dëmtime në pjesë të trupit.
“Sot, rreth orës 16:30, në rrugën “Murat Tërbaçi”, shtetasi M. E., rreth 25 vjeç, duke drejtuar automjetin tip “Benz”, ka humbur kontrollin mbi drejtimin e tij dhe si pasojë është përplasur me një pemë, anës rrugës.
Shtetasi M. E, aktualisht ndodhet në spital, jashtë rrezikut për jetën.
Grupi hetimor po punon për përcaktimin e shkakut të aksidentit”, njofton policia./Opinion.al
