Drejtoria e Antiterrorit njofton se është vënë në pranga një 39-vjeçar, i cili bënte thirrje anti-semite në rrjetet sociale kundër hebrenjve.
Nga specialistët e Drejtorisë së Antiterrorit është bërë kapja dhe ndalimi i Eduard Guzës, 39 vjeç, banues ne fshatin Koxhaj, Shijak.
Ndalimi i tij u bë pas një hetimi disamujor të nisur në muajin janar 2020, nga Drejtoria e Antiterrorit.
Rezulton se 39-vjeçari bënte thirrje “vritni çifutët” në postimet e tij në rrjete sociale.
Për këtë arsye, Prokuroria pranë Gjykatës së Shkallës së Parë Durrës, regjistroi procedimin penal për veprat penale “Nxitja, thirrja publike dhe propaganda për kryerjen e veprave me qëllime terroriste” dhe “Nxitja e urrejtjes ose grindjeve”
Për këtë shtetas Gjykata e Shkallës së Parë Durrës ka caktuar masën e sigurisë “Arrest në burg”. /Opinion.al
