Aktualitet

Bënte drift me BMW dhe postonte videot në rrjetet sociale, e pëson shoferi



Bëhu pjesë e Grupit Zyrtar të Opinion.al
>> KËTU <<
               Publikuar në : 09:12 - 02/02/22 |
Opi Nion

Një drejtues mjeti është gjobitur me 50.000 lekë nga policia pasi xhironte gomat dhe bënte në drift në rrugët e kryeqytetit, duke u kthyer në rrezik për aksidente rrugore. Sipas policisë, shoferi në 31 Janar 2022 rreth orës 22:00 kishte publikuar pamje në rrjetet sociale.

Oficerët e Policisë Rrugore të Tiranës organizuan punën për identifikimin dhe kapjen e autorit të dyshuar. Pas një pune hetimore u bë i mundur identifikimi i targës së automjetit dhe më pas i drejtuesit të mjetit, i cili u ndëshkua me gjobë.

“Bënte gara shpejtësie duke i postuar videot në rrjete sociale, kapet dhe ndëshkohet nga Policia Rrugore e Tiranës. Drejtuesi i mjetit ndëshkohet me masë administrative 50.000 lekë.

Më datë 31.01.2022, rreth orës 22:00 në rrjete sociale janë hedhur pamjet filmike ku një mjet tip “BMË”, nuk ka rregulluar shpejtësinë duke bërë xhirime gomash dhe drift. Shërbimet e Policisë Rrugore të Tiranës, menjëherë organizuan punën për identifikimin dhe kapjen e autorit të dyshuar. Pas një pune intensive hetimore profesionale u bë i mundur identifikimi i targës së automjetit dhe më pas i drejtuesit të mjetit, i cili u ndëshkua me masë administrative 50.000 lekë.

Komisariati Rajonal i Policisë Rrugore është i hapur për qytetarët për denoncimin e kundërvajtjeve rrugore me qëllimi ndëshkimin e drejtuesve të mjeteve, për krijimin e një mjedisi sa më të sigurtë për përdoruesit e rrugës dhe për të rritur besueshmërinë tek qytetarët”,-njofton policia.

 

Pas