Fotografia e një vogëlushi nga Kosova ka “pushtuar” ekranin gjigant të “Times Square” në New York.
Fotografia e Beni Godenit, 5-vjeçarit me Sindromën Down, u përzgjodh në mesin e 100 më të mirave në konkursin e përvitshëm të Shoqatës Ndërkombëtare të Sindromës Down.
Fotografia e tij ishte dërguar në konkurs, nga Fjolla Rraci, ish-edukatorja e tij, e cila më pas ka lajmëruar prindërit e Benit për lajmin e mirë.
Mediat kosovare shkruajnë se nëna e Benit, Gresa, ka qenë bashkë me të birin në sheshin Times Square në New York, për të përjetuar nga afër këtë moment shumë emocionues, ndërkaq ish-edukatorja, Fjolla Rraci ka ndarë në profilin e saj në Facebook fotot e të voglit teksa krahas postimit shkruan:
“O Ben Godeni, New York-u kurrë s’është duk’ ma bukur se sot! T’du fort o Ben, fort !”./Opinion.al
