Ditët e fundit të vitit që lamë pas na shoqëroi një diell i ngrohtë dhjetori, i cili u shfaq edhe mëngjesin e 1 Janarit. Por parashikimet flasin që ditët në vijim, në vend do të kthehen reshjet.
Sipas Institutit të Gjeo-shkencave, pasditja e 1 janarit do të shënojë rikthimin e shirave, në pjesën veriore dhe veriperëndimore, ku do të ketë edhe shtrëngata të izoluara, duke u shtrirë më pas në të gjithë territorin e vendit.
Edhe të martën, priten reshje në të gjithë vendin, por me intensitet më të vogël.
Në zonat malore mbi 800 metra mbi nivelin e detit priten reshje dëbore (në veri në zona të kufizuara edhe më poshtë se ky nivel).
TEMPERATURAT
Nesër (e martë, dt.02) temperaturat minimale dhe maksimale të ajrit pritet të arrijnë:
në bregdet: 9 °C / 14 °C
në vendet e ulëta: 6 °C / 13 °C
në vendet malore: 1 °C / 8 °C.
