Duke filluar që nga dita e dielë të gjithë lexuesit e letrave do të kenë në duar librin më të ri të politikanit, Ben Blushi. Ndonëse kohët e fundit ai nuk ka qenë shumë aktiv në politikë, politikani Ben Blushi, ka arritur ta shkruajë për 10 ditë librin e tij të ri, “Kandidati”. Në këtë prozë të katërt të tij Blushi i vendos ngjarjet në një mjedis mediatiko-politik, që ai e njeh shumë mirë. Personazhet e Ben Blushit në libër, kanë ngjashmëri me politikanët dhe gazetarët shqiptarë, madje personazhi kryesor ka një ngjashmëri me kryetarin aktual të Bashkisë Elbasan, Qazim Sejdini. Këta personazhë të krijuar nga Ben Blushi, do të tërheqin padyshim vëmendjen e lexuesve.
