TIRANË- Deputeti socialist Ben Blushi është ndalur para medias në përfundim të mbledhjes së grupit të PS-së. Ai komentoi referendumin duke thënë se “jam i bindur se ato kuti janë mbushur me vota”.
Unë kam kërkuar, vijoi ai, të hapen të gjitha materialet zgjedhore. “Sot ende nuk ka një rezultat zyrtar për secilën bashki, dihet vetëm një info e përgjithshme e referendumit”, tha më tej Blushi.
Se sa qesharake ishte e gjitha kjo, tha ai, më lejoni tu sjell një batutë të bërë në Francë nga ish-ministrja e Kulturës e cila ka thënë “mos bëni zgjedhje alla shqiptare”. Edhe atje po diskutohet për zgjedhjet në parti dhe modeli ynë është unik sa që tani na tall edhe Europa.
I pyetur mbi një koment të tij, ku thotë “Jam njeri i lirë”, Blushi tha: “Nuk terhiqem nga pikëpamjet e mia, do të jem në terren duke takuar njerëz dhe duke folur si shqiptar i Lirë”. /Opinion.al
