Një 43 vjeçar që drejtonte makinën në gjendje të dehur është përplasur me një makinë tjetër në aksin Cërrik-Belsh ku udhëtonin 3 vajza të reja, të moshës 18- 22 vjeç.
Policia tha se është arrestuar Lulëzim Kasa, 43 vjeç edhe pse mbeti edhe vetë i lënduar nga aksidenti. Ai drejtonte një mjet “Kia” me targa AA 052 BF, në aksin rrugor Cërrik – Belsh kur është përplasur me mjetin me targa AA 825 FZ të drejtuar nga K.B, 21 vjeçe banuese në Belsh.
Për pasojë u plagosen B.T, 22 vjeçe dhe A.B, 18 vjeçe të cilat ishin pasagjere në mjetin me targa AA 825 FZ, tha policia. Ato janë dërguar në spitalin e Elbasanit dhe ndodhen nën kujdesin e mjekëve jashtë rrezikut për jetën. /Opinion.al
