Një udhëtim me ‘qilim magjik’ në panair në Belgjikë ka lënë tre persona në gjendje kritike për shkak të mosfunksionimit të hekurave të sigurisë.
Sipas mediave të huaja, ngjarja ndodhi në Panairin Ducasse në fshatin La Hestre, në Belgjikën jugperëndimore, ku sipas RTL Info në mesin e të plagosurve ishte një vajzë 10-vjeçare e cila ndodhet në spital në gjendje kritike për jetën, por të qëndrueshme.
Bruno Pozzoni, kryebashkiaku i Manage, tha disa orë pas incidentit se të shtatë personat kanë pësuar lëndime, por janë duke marrë ndihmën e nevojshme në spital.
Në video, “qilimi magjik” mund të shihet duke nxjerrë tym dhe duke lëvizur me një përplasje më të madhe se normalja, duke rezultuar në “daljen” e pasagjerëve të tij.
Kryebashkiaku tha se hetimi për incidentin është në vazhdim dhe shtoi se terreni i panairit mund të mbetet i hapur.
Megjithatë, pavarësisht aksidentit, kryebashkiaku i qytetit të Manazit, të cilit i përket zona ku ndodhet parku argëtues, ka bërë të ditur se biznesi do të vazhdojë të funksionojë normalisht./Opinion/al
