Të paktën gjashtë persona janë vrarë pasi një makinë ka përplasur një turmë njerëzish në jug të Belgjikës.
Ngjarja ndodhi në qytetin e vogël Strépy-Bracquegnies, rreth 30 milje (50 km) në jug të kryeqytetit Bruksel.
BBC raporton se makina me shpejtësi të lartë përplasi një grup prej rreth 60 personash që po përgatiteshin të merrnin pjesë në një paradë karnavalesh të dielën.
Disa persona janë plagosur rëndë dhe disa janë në gjendje kritike, tha një zëdhënëse e policisë.
Rrethanat e sulmit janë duke u hetuar, por policia tha se pista e një sulmi terrorist është përjashtuar.
“Është një aksident, një tragjik. Makina goditi grupin dhe u përpoq të vazhdonte, por u ndalua shpejt nga policia,” tha zëdhënësja e policisë Cristina Ianoco.
Shoferi dhe personat e tjerë në veturë janë ndaluar”, shtoi ajo.
“Ngushëllimet më të thella për familjet dhe miqtë e të vrarëve dhe të plagosurve në incidentin e mëngjesit të sotëm”, shkroi në Twitter Ministrja e Brendshme belge, Annelies Verlinden.
