Belgjika mundi me përmbysje Danimarkën, në ndeshjen e dytë të grupit B, falë një Kevin De Bruyne madhështor.
Gjërat po shkonin mirë për danezët, të cilët kaluan në avantazh që në minutën e dytë të takimit me anë të Poulsen, dhe e mbyllën në avantazh pjesën e parë.
Me fillimin e pjesës së dytë, për Belgjikën u fut në fushë De Bruyne, i cili zëvendësoi Dries Mertens dhe ndryshoi historinë e përballjes.
Mesfushori i City dha pasimin për golin e barazimit, të shënuar nga Torghan Hazard (55’), dhe shënoi golin e fitores me një goditje fantastike me të majtën, nga jashtë zone (70’).
Danimarka u përpoq të reagonte, por nuk pati fat kur goditja me kokë e Braithwaite u përplas në traversë në minutat e fundit të ndeshjes.
Me këtë fitore, Belgjika ngjitet në kuotën e 6 pikëve në krye të grupit dhe kalon më tej, ndërsa Danimarka vijon të renditet e fundit, me 0 pikë nga dy ndeshjet e para.
