Edhe pse nuk ka një lindje apo ceremoni martesore, Belgjika ka tani një tjetër princeshë. Princesha e re është 52-vjeçare, skulptore dhe quhej deri dje Delphine Boël. Por që sot me urdhër të gjykatës belge, ajo do të shtojë edhe mbiemrin e familjes Coburg-Gotha, si pjesëtare legjitime e saj, si motër e mbretit aktual.
Princesha ka fituar një betejë gjyqësore me ish-mbretin Albert III, që nuk e njihte atë si të bijën e lindur nga një lidhje jashtëmartesore në vitin 1968, ndërkohë që ishte e martuar me Paola Ruffo di Calabria.
86-vjeçari ka mohuar me vite atësinë, por pas pothuajse dy dekadash zhurme mediatike, Gjykata e shtrëngoi në vitin 2018 të bënte testin e ADN-së, ku shkelja e vendimit do t’i kushtonte 5 mijë euro në ditë.
Përgjigja i dha të drejtë Delphine Boël, dhe tashmë edhe fëmijët e saj mund të mbajnë titullin “princ të belgëve”./Opinion.al
