Belgët kalojnë mesatarisht nëntë minuta në dush. Për të reduktuar faturën, kjo kohëzgjatje duhet të shkojë në katër minuta dhe për këtë arsye të mos kalojë pesë minuta.
Kjo rezulton në një përfitim prej 128 eurosh në faturë, sipas shifrave nga Milieu Centraal – që synon të rrisë ndërgjegjësimin për konsumin e energjisë dhe mjedisin – të riprodhuara nga media belge.
Veçanërisht, një veprim i tillë çon në kursimin e 15,000 litra ujë të nxehtë dhe 618 kWh gaz natyror në baza vjetore. Gjithashtu, sipas të njëjtës përllogaritje, larja e rrobave në 30°C rezulton në konsumin e 50% energji më pak sesa, nëse ato lahen në 40°C.
Në të njëjtën kohë, sipas një raporti të agjencisë belge të lajmeve, ekspertët po bëjnë thirrje për kthimin e banjove publike në kryeqytetin belg për shkak të rritjes së kostove, në mënyrë që ata që nuk kanë akses në ujë të kenë një vend për t’u larë.
Sot, rreth 10% e popullsisë së Brukselit ka vështirësi për të aksesuar ujin, thotë Pauline Bakker, specialiste për mungesën e ujit në ULB.
Këta janë qytetarë që kanë banesa, por mund të kenë vështirësi për të paguar faturat ose kanë probleme me shërbimet komunale, por edhe ata që janë të pastrehë dhe duhet të gjejnë vende për t’u larë dhe për t’u kujdesur për veten.
Pauline Baker dhe kolegia e saj Sophie Richel kanë hulumtuar llojet e hapësirave që mund të përdoren dhe kanë arritur në përfundimin se shumë vende mund të vihen në dispozicion të atyre që kanë më shumë nevojë. “Kjo çështje duhet të merret parasysh në nivel rajonal, që në zgjidhjen e saj të përfshihen të gjithë faktorët”, theksojnë ato./Opinion.al
