Ministri grek i Shtetit, George Gerapetritis i ka kujtuar Shqipërisë respektimin e të drejtave të njeriut dhe procesin integrues në BE, teksa ka folur lidhur me çështjen e kryebashkiakut të zgjedhur të Himarës, Fredi Bleri tashmë nën arrest me burg.
Në seancën plenare të kuvendi, Gerapetritis tha se qeveria e tij do të bëjë gjithçka që është e nevojshme për t’i dhënë fund paraburgimit të Fredi Belerit.
“Greqia mbetet e përkushtuar ndaj zhvillimit, sigurisë dhe prosperitetit të Ballkanit Perëndimor dhe 20 vjet pas Samitit të Selanikut do të vazhdojë të marrë iniciativa për të përshpejtuar rrugën e tyre evropiane.
Sidomos në lidhje me Shqipërinë, do të bëjmë gjithçka që është e nevojshme për t’i dhënë fund paraburgimit të vazhdueshëm të kryetarit të Bashkisë së Himarës, Fredi Beleri. Shqipëria duhet të respektojë shtetin e së drejtës nëse dëshiron vërtet të bëhet pjesë e familjes europiane”, u shpreh Gerapetritis në seancën plenare të Kuvendit, në kuadër të debatit për deklaratat programore të qeverisë së re të Mitsotakis./Opinion.al
