Gjykata e Lartë ka lënë në qeli Fredi Belerin,i cili akuzohet për shit-blerje votash.
Ai kërkoi një masë më të butë sigurie se ajo e “arrestit me burg”.
Këtë herë ishte Gjykata e Lartë, e cila është shkalla e fundit e gjyqësorit ku kryebashkiaku i Himarës mund të apelonte, e cila la në fuqi masën e sigurisë “arrest me burg”.
Më herët Gjykatat e Posaçme, ajo e shkallës së parë dhe e Apelit kanë rrëzuar kërkesat e kryebashkiakut të zgjedhur më 14 maj teksa mbahej në paraburgim.
Fredi Beleri u arrestua dy ditë para zgjedhjeve vendore të 14 majit, nën dyshimet se kishte ofruar para për vota në favor të tij. Hetimet nisën pas sinjalizimeve të marra nga policia dhe denoncimit në Prokurorinë e Vlorës të një qytetari nga Himara./Opinion.al
