Enea Bekteshi personi që u arrestua në Cërrik dhe sipas policisë dhe prokurorisë është përgjegjës për atentatin ndaj policisë në Elbasan është përpjekur të shfaqësojë Çelajt. Ai njihet në këtë qytet si “ushtar” i bandës së Suel Çelës por sot në gjykata ka deklaruar se “makinën në pronësi të Petrit Celës (babi i Suelit) e ka marrë pa lejen e tyre”.
Ai ka pranuar se ka qenë në drejtim të mjetit të blinduar dhe gjithashtu ka pranuar se ka goditur makinën, por sipas tij a e ditur se ishte një automjet policie.
“Isha unë që po e drejtoja makinën Audi. Ia kisha marrë pa leje Petrit Çelës. “Nuk kisha ndërmend të godisja nëndrejtorin e policisë. Nga vendi i ngjarjes ika sepse u tremba”, ka thënë Bekteshi.
Një tjetër argument përmes të cilit i pandehuri ka dashur të përforcojë variantin e tij ka qenë se është përdorues i lëndëve narkotike. “Jam prej 12 vitesh përdorues i hashashit dhe lënda narkotike që u gjet në banesë është e imja”, ka thënë Bekteshi para togave të zeza te Krimet e Rënda.
Në përfundim të seancës, pasi ka dëgjuar pretendimet e Bekteshit, trupi gjykues ka pranuar masën e propozuar nga prokurorët, “arrest me burg” për të.
Enea Bekteshi nga Forcat Operacionale në Policinë e Shtetit në Cërrik tre ditë më parë.
Ai ishte fshehur në banesën e kunatit në Cërrik që pas momentit të incidentit me policinë e Elbasanit në datë 18 shtator.
