Deputeti i Partisë Demokratike, Edmond Spaho, ka publikuar një mesazh të dërguar në platformën WhatsApp të komunikimit, nëpërmjet të cilit denoncon se Basha dhe Sekretari i Përgjithshëm i PD-së, Gazmend Bardhi, po manipulojnë pjesmarrjen në Kuvendin e nesërm të 18-Dhjetorit të thirrur nga Kryesia e PD.
Sipas mesazhit, një person mbështetës i Bashës i kërkon një personi tjetër që të mbledhin njerëz për Kuvendin e datës 18 dhjetor.
“Ja si po manipulon pjesmarrjen ne antikuvend Lulzim Basha me Gazmend Bardhin”, shkruan Spaho dhe publikon mesazhin.
Kujtojmë se nesër në Tiranë do të mbahet Kuvendi Kombëtar i PD i thirrur nga Lulzim Basha. Ndërkohë paralelisht mbështetësit e ish-kryeministrit, Sali Berisha do të mbajnë një referendum për shkarkimin e Lulzim Bashës si kryetar nga anëtarësia e PD./Opinion.al
