Atmosfera festive ndihet çdo ditë edhe më shumë teksa datat afrohen. Çiftet e reja gjatë kësaj kohe përpiqen të kalojnë më shumë kohë me njëri-tjetrin, dhe kjo domethënë edhe më shumë seks. Teksa moti i acartë e bën të vështirë daljen, zgjidhni të qëndroni brenda dhe me këtë rast gatuani një vakt të mirë, por mos harroni ti shtoni elementin afrodiziak. Ja cilat ushqime festive e bëjnë më së miri këtë “punë”.
Arrat – Një gotë verë edhe arra përbëjnë një gosti gati ideale për në mbrëmje. Por arrat përmbajnë disa elemente mjaft të rëndësishme, të cilat zgjojnë hormonet seksuale. Ato ndikojnë edhe në ereksion duke e bërë më pikante situatën.
Farat e pishës – Në fakt arrat e pishës janë shumë të mira për impotencën. Ato zgjojnë ereksionin dhe janë një afrodiziak i shijshëm.
Shampanjë – Pak alkool e bën sigurisht situatën më interesante. Ngrini një dolli për festat, dhe pas gotës së dytë lëreni veten të lirë për në dhomën e gjumit.
Çokollatë – Që çokollata gjatë festave është si “qershia mbi tortë” nuk ka asnjë dyshim. Por ju ndoshta nuk e keni ditur se femrat nëse kanë konsumuar çokollatë përpara seksit, e kanë më të thjeshtë të kalojnë në orgazëm. Kjo sepse çokollata stimulon oksitocinën dhe e bën më të thjeshtë çlirimin e saj.
Arragostë – Kush tha që frutat e detit nuk shijojnë në dimër? Arragosta për shembull jo vetëm që shijon, por çliron më shumë testosteron te meshkujt duke e bërë performancën seksuale edhe më të mirë.
