Alfabeti LEET, ose quajtur ndryshe LEETSPEAK, nuk është një alfabet si të tjerët. Ky alfabet, kryesisht i përdorur në internet, është bërë shumë popullor midis përdoruesve të avancuar të web-it, për të forcuar fjalëkalimet, kodet dhe çelësat e inkripsionit. Alfabeti LEET konsiston në zëvendësimin e gërmave me numra dhe simbole të përafërta, apo të ngjashëm, si p.sh
A = @,
E = 3,
T = 7,
i = 1,
o = 0 (zero) etj.
Gjithashtu ky alfabet ndryshon nga të tjerët sepse një gërmë mund të zëvendësohet me disa numra apo simbole, p.sh. A-ja, mund të zëvendësohet me @, 4 apo /\, duke e bërë akoma më të paparashikueshëm. Siç dihet, sa më i gjatë dhe i larmishëm të jetë një fjalëkalim, aq më i vështirë është ta gjesh apo ta thyesh atë. Përdorimi i alfabetit L33T, kthen edhe një fjalë të thjeshtë në një password të fortë.
Fjalëkalimet tona nuk ruhen ashtu siç janë “plain text”, por inkriptohen dhe bëhen “hashed”.
Nëse passwordi juaj është: pass1234, në server ai ruhet përafërsisht: $2fe34qw%8w0,
një version me 12 gërma, shifra dhe simbole, për të mos treguar as gjatësinë e fjalëkalimit dhe as vetë fjalëkalimin.
Ky proçes qyhet HASH dhe është standart tani në çdo sit apo shërbim online.
Padyshim që HASH rrit sigurinë, por një tekst i inkriptuar mund të deinkriptohet dhe këtu na shërben alfabeti L337 dhe gjatësia e passwordit.
Gjatësia e fjalëkalimit gjithashtu është shumë e rendësishme. Një program crack-imi për password-e, me një kompjuter të shpejtë mund të gjej gërmen e parë afërsisht për 1 minut, të dytën për 5-10 minuta, të tretën për 30-100, e kështu me rradhe. Me këtë progresion, nëse keni një password të gjatë, këtyre programeve i duhet të llogarisë pafund, edhe me vite madje, duke e bërë password-in me kosto të lartë në kohë e fuqi procesimi dhe për rrjedhojë të pa vlefshëm për hackerat. Kujtojmë që për të arritur këtë lloj sigurie, duhet të kombinojmë këto dy faktorë. Alfabetin L337 që bën passwordet më të larmishëm por njësoj të kujtueshëm dhe gjatësia e fjalëkalimit që zgjat kohën e llogarisë që kompjuteri duhet të bëjë për ta thyer.
E bukura është se edhe sikur të mbani të njëjtën fjalë që përdorni për fjalëkalim, por vetëm ta shkruani ate fjalë me alfabetin L337,
p.sh password = p@$$w0rd
do të rrisni sigurinë e fjalëkalimit tuaj me të paktën 50%.
Ju këshilloj ta bëni sa më shpejt!
Për më shumë shikoni videon
