Presidenti i Republikës së Shqipërisë, Bajram Begaj do të zhvillojë një vizitë zyrtare në NATO në datën 7 mars.
Begaj do të takohet me Sekretarin e Përgjithshëm të NATO-s, Jens Stoltenberg, me të cilin do të diskutojë zhvillimet strategjike dhe të sigurisë në krahun lindor të NATO-s dhe Ballkanin Perëndimor.
Kjo do të jetë vizita zyrtare e parë në NATO për presidentin i cili do të jetë i shoqëruar nga Shefi i Shtabit të Përgjithshëm të Forcave të Armatosura të Republikës së Shqipërisë, Gjeneral Brigade Arben Kingji dhe anëtarë të kabinetit të tij.
Në orën 13:00 Presidenti Begaj dhe Sekretari i Përgjithshëm i NATO-s, do të mbajnë një konferencë të përbashkët për shtyp./Opinion.al
