Presidenti Bajram Begaj ka zhvilluar një takim me ministrin për Evropën dhe Punët e Jashtme Igli Hasani.
Përmes një postimi në rrjetin social “Facebook”, Begaj bën me dije me Hasanin ka diskutuar për përmbylljen e Marrëveshjes së Sigurimeve Shoqërore me Italinë, si dhe dekretimin e ambasadorëve të rinj.
“Mëngjes pune me Ministrin për Evropën dhe Punët e Jashtme z. Igli Hasani, me të cilin diskutuam për situatën në rajonin tonë, për përmbylljen e Marrëveshjes së Sigurimeve Shoqërore me Italinë, si dhe dekretimin e ambasadorëve të rinj”-shkruan Begaj.
