Presidenti i Republikës, Bajram Begaj, priti sot në takim Ambasadoren e re të Australisë, jorezidente në Shqipëri, Julianne Cowley, të cilës i pranoi Letrat Kredenciale.
Gjatë bisedës, Begaj theksoi angazhimin e Shqipërisë për të zgjeruar më tej bashkëpunim dypalësh dhe shumëpalësh, duke ruajtur dhe forcuar dialogun politik.
Ai i përcolli Ambasadores Cowley urimet për rikonfirmimin e Kryeministrit Anthony Albanese në mandatin e dytë qeverisës në Australi, bashkë me ftesën drejtuar atij për të vizituar Shqipërinë.
“Mirëprita Ambasadoren e re jo-rezidente të Australisë në Shqipëri, Julianne Cowley, dhe pranova Letrat e saj Kredenciale.
Diskutuam forcimin e dialogut politik dhe zgjerimin e bashkëpunimit dypalësh dhe shumëpalësh.
Gjithashtu i bëra një ftesë Kryeministrit @AlboMP për të vizituar Shqipërinë – një mundësi për t’u kthyer te rrënjët e tij dhe për të thelluar më tej miqësinë tonë”, shkruan Begaj.
