Presidenti Bajram Begaj ndodhet në Kosovë, me ftesë të presidentes Vjosa Osmani. Presidenti po merr pjesë në Forumin Ndërkombëtar për Gratë, Paqen dhe Sigurinë, ku mbajti edhe një fjalim.
Në fjalë e tij, Presidenti vuri fokusin te roli i grave për paqen dhe sigurinë. Begaj u ndal edhe te konfliktet e hershme në Ballkan, për të cilat tha se çmimin më të rëndë e kanë paguar gratë.
Kreu i shtetit tha se ka ende shumë punë për të forcuar gratë dhe barazinë gjinore.
“Nder të flas sot në këtë forum, ky takim është dëshmi e zotimit tonë të përbashkët ndaj paqes dhe sigurisë. Reflektojmë për kontributin e Kosovës për një të ardhme përparimtare, ku roli i grave do jetë themelor. BP ka qenë dëshmitar i konflikteve që kanë lënë shenjë ta paharrueshme në tokat tona, por edhe në zemrat tona dhe gjithmonë do mbetet në kujtesën tonë historike. Ndër ata që kanë mbajtur barrën më të rëndë të këtyre konflikteve janë gratë. Këto konfliktet na shërbejnë si një kujtesë e dhimbshme të çmimit aq të shtrenjtë të paguar veçanërisht të paguar nga gratë. Jemi bërë bashkë për të ritheksuar përkushtimin ndaj bashkëpunimit dhe zhvillimit të qëndrueshëm për të nxitur paqen në Ballkanin Perëndimor. Dua të falënderoj Osmanin për nisëm e jashtëzakonshme dhe organizmin e këtij forumi. Mbetet shumë punë për të forcuar gratë dhe barazinë gjinore. Paqja dhe siguria nuk mund të garantohet pa barazinë e plotë të burrave dhe grave në të gjitha nivelet e vendimmarrjes. I rëndësishëm është arsimi për gratë dhe vajzat, investimi për arsimin tyre hap jo vetëm mundësi të reja, por i përgatit për të sfiduar normat dhe tabutë”, tha Begaj.
Ky forum do të mirëpresë pjesëmarrës nga më shumë se 40 shtete të botës me afërsisht 1 mijë pjesëmarrës, me qëllim të diskutimit dhe bashkëpunimit në fushën e sigurisë dhe paqes.
