Presidenti Bajram Begaj ka zhvilluar një konferencë të përbashkët me homologun austriak Alexander Van der Bellen.
Gjatë fjalës së tij, Begaj tha se fokusi i bisedës së zhvilluar me Presidentin austriak, ishte çështja e integrimit të Shqipërisë në BE.
Begaj vlerësoi marrëdhëniet mes dy vendeve, ndërsa falenderoi Presidenti austriak për mbështetjen e plotë që Austria i ka dhënë Kosovës.
“Biseda kishte në vëmendje çështjen e rrugëtimit evropian të Shqipërisë, i përcolla vlerësimin për gjithë mbështetjen që Austria i ka dhënë Shqipërisë në rrugëtimin europian, mbështetja ekonomike, politike e mbështetja për reformën në drejtësi. Kjo vizitë është një dëshmi e angazhimit serioz të Austrisë së procesit integrues të Shqipërisë dhe Ballkanit Perëndimor. E informova mikun për përparimin e bërë në reformat e integrimit europian dhe rezultatet konkrete në këtë drejtim. E sigurova që Shqipëria mbetet dedikuar në të gjitha nivelet për rezultate të reformën në drejtësi. E falënderova për mbështetjen e plotë që Austria i ka dhënë Kosovës, liberalizmin e vizave dhe dialogun Kosovë-Serbi. Rikonfirmuam qëndrimet e vendeve për dënimin e këtij agresioni të paprovokuar dhe mbështetjen e palëkundur ndaj popullit ukrainas dhe integritetin territorial të saj”, tha Begaj.
