Presidenti i Republikës së Shqipërisë, Bajram Begaj i ka uruar sot shkrimtarit Ismail Kadare 87- vjetorin e lindjes.
Në një postim në rrjetet sociale presidenti tha se poeti ka rritur dhe nderuar emrin e Shqipërisë në botë.
Begaj e cilëson Kadarenë si ambasadorin më të mire të kulturës, historisë dhe identitetit shqiptar.
“Patëm kënaqësinë që së bashku me Armandën, t’i uronim sot ditëlindjen mjeshtrit të letersisë shqipe, Ismail Kadare.
I përkthyer në mbi 45 gjuhë, ai është ambasadori më i mirë i kulturës shqiptare, historisë dhe identitetit tonë, shkrimtari dhe intelektuali që e ka rritur dhe nderuar emrin e Shqipërisë në botë,” shkruan presidenti./Opinion.al
