Deputeti i PD-së, Astrit Patozi, sot, nëpërmjet një metafore të shkëputur nga fëmijëria ka artikuluar qartë krizën politike në vend dhe me shumë gjasa, çfarë do ngjajë më pas në marrëdhëniet Rama-Meta dhe jo vetëm…
Patozi shkruan se kryesisht për shkak të Edi Ramës, Shqipëria sot më ngjason me atë testin klasik të luledeles; “më do s’më do”. Sipas tij, petalet i këput Ilir Meta dhe gjithë të tjerët mbajnë frymën se çfarë do teprojë për ta në goditjen e fundit.
Shënimi i plotë:
..MË DO, S’MË DO?
…Kryesisht për shkak te Edi Ramës, Shqipëria sot më ngjason me atë testin klasik të luledeles, “më do, s’më do”. Ku petalet i këput Ilir Meta dhe gjithë të tjerët mbajnë frymën, se cfarë do teprojë për ta në goditjen e fundit.
Më argëton shumë kjo lojë, sinqerisht, kur përfytyroj suspancën e palëve të interesuara, se si u ndryshon adrenalina nga dita e qametit, që ata mendojnë se po afrohet.
Por më dhimbset po kaq shumë atdheu, që ka mbërritur në këtë pikë…
