Trajneri i Juventus, Massimiliano Allegri, ka bërë të ditur se do të ketë momente kur Cristiano Ronaldo do ta shikojë veten në stol.
Pesë herë fituesi i Topit të Artë është bashkuar me bardhezinjtë për 100 milionë euro, një rekord për klubin italian.
Pasi Allegri ka konfirmuar se CR7 do të debutojë në “Allianz Stadium” kundër Lazio-s, këtë të shtunë, ai ka lajmëruar se disa nga ndeshjet do t’i nisë nga stoli.
“Do të ketë ndeshje kur Ronaldo do të jetë në stol dhe kur do të luajë vetëm një orë”, ka thënë Allegri. “Edhe ai ka nevojë për pak pushim në momente të caktuara”.
“E ka menaxhuar veten shumë mirë në Madrid. Do të luajë, më pas do të shohim”.
