Përgatitjet janë drejt fundit dhe pas provës gjenerale të gjithë janë gati të ngjiten në skenë. Një pjesë të pushtuar nga emocionet e garës dhe nje pjesë tjetër për të dhuruar performanca ndërkombëtare qe padyshim premtojnë një natë spektakolare.
Këtë vit The Miss Globe do të prezantohet nga Eva Murati dhe Alban Xhihani dy personazhe televizivë shume të dashur për publikun. Ndërkaq njësoj surprizues jane edhe emrat e jurisë ndërkombëtare. Për të gjykuar më të bukurat e Globit ka ardhur në Tiranë, stilisti i famshem Malan Breton, regjisor filmi, teatri e televizioni e gjithashtu muzikant i njohur. Krah tij në jurinë e The Miss Globe do të jetë edhe Antonis Kioukas nga Athina, regjisor filmash dhe krijuesi i Athen Fashion Week. Nuk mungon Elton Ilirjani supermodeli, i cili bashkë me Malan do të sjellin një surprizë më skenë.
Producenti Petri Bozo ka parashikuar gjithashtu edhe një arenë më vete spektakli sa i takon të ftuarve që gjithashtu i përkasin një publiku ndërkombëtar. Ka ardhur nga Italia për këtë finale Eden Loren, ndërsa Gjergj Kaçinari e Gerta Heta do të jenë gjithashtu në skenë. Në këtë garë, Gerta do të këndojë një cover.
Me një super skenografi, ne Parkun Olimpik Te Tiranes, vajzat nga e gjithë Bota premtojnë spektaklin e tyre special me sfilata, me tematikë 4 stinët dhe emocione qe vetëm një spektakël bukurie i këtyre përmasave mund të ofrojë.
