Pandemia shkaktoi shumë ndryshime në jetën e njerëzve por krejt e pazakontë është historia dhe për këto foshnje. Shumë nga bebet e linda gjatë pandemisë nuk janë regjistruar në gjendje civile.
Emma Pratt nga Skocia tregon se vajza e saj e vogël Skye, lindi një javë përpara se në Britaninë e Madhe të vendosej karantina për shkak të pandemisë. Ajo tashmë është 4 muajsh, por ende nuk është regjistruar.
“Është një ndjenjë shumë e çuditshme kur e di që teknikisht ajo nuk ekziston ende”, shprehet nëna e re.
Normalisht bebet në Britani duhet të regjistrohen në këshillin lokal brenda 42 ditësh pas lindjes, por me pandeminë e koronavirusit shumë prej këtyre institucioneve e pezulluan punën. Ato tashmë po përballen me një fluks prindërish që duan të regjistrojnë fëmijët e tyre./Opinion.al
