Këngëtarja me origjinë shqiptare Bebe Rexha ka dhënë një intervistë për revistën “Health”.
Ajo ka theksuar edhe njëherë se është kritikuar shpesh për peshën trupore dhe gjithashtu që bën ushtrime për shëndetin e saj.
Gjithashtu Bebe është pyetur në lidhje me operacionet plastike, pasi shpesh është thënë që ajo ka ndërhyrë në hundë dhe tek të pasmet. Këngëtarja i ka mohuar këto zëra duke theksuar se i druhet ndërhyrjeve të tilla.
“Unë nuk i kam bërë kurrë të pasmet, dhe as hundën. Ndoshta një ditë do të dua të bëj gjoksin, nëse më bën të ndihem më mirë dhe seksi. Në të vërtetë, unë kam një septum të devijuar (të hundës) dhe vazhdoj të marr infeksione të sinusit, dhe kam frikë ta bëj atë. Kam frikë që t’i nënshtrohem ndërhyrjes kirurgjike… Nëse bëj hundën do ta them patjetër. Nëse më bën të ndihem më mirë dhe seksi? Unë bëj çfarë të dua”,-është shprehur Bebe gjatë intervistës.
Gjithashtu këngëtarja ka treguar se ka nisur terapi për t’a dashur më shumë veten pas kritikave që ka patur kohët e fundit./Opinion.al/
