Delegacioni i Bashkimit Evropian në Shqipëri ka reaguar lidhur me rregullat e reja të vendosura nga Kuvendi ku gazetarët do të ndalohen të jenë pjesë e komisioneve parlamentare në Kuvend.
Në këtë reagim thuhet se dëgjesat publike dhe aksesi i mediave në parlament është tipar i rëndësishëm i një demokracie liberale.
Po ashtu, në reagimin e BE thuhet se është për të ardhur keq që nuk pati konsultime me mediat përpara adaptimit të rregullave të reja nga ana e Parlamentit.
“Dëgjesat publike dhe qasja e mediave në Parlament për të mbuluar punën e seancave dhe komisioneve të tij janë elemente të rëndësishme të një demokracie liberale. ½ Keqardhje për mungesën e konsultimeve me mediat përpara miratimit të rregullave të reja nga Parlamenti. Këto rregulla nuk janë në përgjigje të udhëzimeve të BE-së ose këshillave të dhëna nën ndihmën e IPA-s, të nisura në këtë kontekst në vitin 2014. 2/2”,-thuhet në reagimin e Delegacionit të Bashkimit Evropian në Shqipëri.
Më herët ka reaguar për rastin edhe Kuvendi i Shqipërisë, duke sqaruar se vendimi është marrë me qëllimin për të ndërtuar një sistem të ri audio-video për ndjekjen dhe transmetimin e mbledhjeve të komisioneve parlamentare./ Opinion.al
