Bashkimi Europian vendosi përfundimisht për reformën e së drejtës së autorit. Gjatë votimit të tyre të fundit, shtetet anëtare e konfirmuan projektin në shumicë, ndërsa 6 ishin kundër dhe 3 abstenuan.
Ligjbërësit e Bashkimit Europian miratuan rishikimin e rregullave të përcaktuara 20 vite më parë lidhur me të drejtave e autorit, në muajin mars ndërsa duket se tani gjithçka është vendosur.
Kundër pjesëve të reformës pati protesta të mëdha, veçanërisht në Gjermani. Kritikët, paralajmërojnë për rrezikun e censurës. Filtrat, sipas tyre, mund të heqin më tepër nga sa është e nevojshme, ndërkohë që tani ato përdoren për fshirjen e përmbajtjeve të urrejtjes në rrjetet sociale.
Kjo reformë vë përballë industrinë krijuese të Evropës, ndaj kompanive të teknologjisë, aktivistëve të internetit dhe grupeve të konsumatorëve, të shqetësuar se rregullat e reja mund të jenë shumë të kushtueshme dhe të bllokojnë shumë përmbajtje.
Reforma nënkupton se Google dhe platformat e tjera në internet do të duhet të nënshkruajnë marrëveshje të licencimit me muzikantët, artistët, autorët, botuesit e lajmeve dhe gazetarët, për të përdorur punën e tyre në internet.
