Komisioneri Evropian për Tregun e Brendshëm, Thierry Breton deklaron se Komisioni Europian nuk do të rinovojë kontratën për vaksinat e koronavirusit me AstraZeneca pas qershorit.
Ky lajm vjen vetëm pak pasi KE filloi veprimet ligjore kundër AstraZeneca pasi u tha se nuk po respektonin kontratën për furnizimin e vaksinave të koronavirusit dhe se ata gjithashtu nuk kishin një plan që konsiderohej “i besueshëm” për të siguruar dërgesat që të bëhen në kohën e duhur.
AstraZeneca nuk ka qenë në gjendje të dorëzojë numrin e vaksinave që ata kishin premtuar fillimisht dhe kështu konsiderohet se nuk kanë qenë në përputhje me angazhimet e tyre ndaj Bashkimit Evropian.
Ka pretendime nga zyrtarë të BE se vaksinat i janë dhënë Mbretërisë së Bashkuar mbi një bazë të privilegjuar. Besohet se kjo ka qenë në dëm të qytetarëve në Bashkimin Evropian.
