Bashkimi Europian ka njoftuar se ka nisur hetimet ndaj disa prej firmave më të mëdha të teknologjisë në botë për praktika jo konkurruese.
Sipas mediave të huaja mësohet se po hetohet “Meta”, “Apple” dhe “Alphabet” që zotëron “Google” dhe po shqyrtohen të gjitha shkeljet e mundshme të Aktit të Tegjeve Dixhitale i prezantuar në vitin 2022.
Ligji, i cili hyn në fuqi nga 7 marsi, kërkon që firmat teknologjike, të cilët ofrojnë shërbime si motorët e kërkimit, rrjetet sociale dhe aplikacionet e bisedave të përdorura nga bizneset e tjera, të pajtohen me udhëzimet për të siguruar një fushë loje të barabartë për rivalët e tyre dhe për t’u dhënë përdoruesve më shumë zgjedhje.
Nëse hetimi del në konkluzionin që kompanitë e mësipërme kanë thyer rregullat, mund të përballen me gjoba të mëdha deri në 10% të xhiros së tyre vjetore.
Komisioni po merr gjithashtu hapa për të hetuar strukturën e re të tarifave të Apple për dyqanet alternative të aplikacioneve dhe praktikat e renditjes së Amazon në tregun e saj.
Ekzekutivi i BE-së, i cili synon të përfundojë hetimet brenda një viti, tha se ka urdhëruar kompanitë të mbajnë dokumente të caktuara, duke i lejuar ato të kenë akses në informacionin përkatës në hetimet e tij aktuale dhe të ardhshme.
Hetimet e BE-së erdhën mes kritikave të përshkallëzuara nga zhvilluesit e aplikacioneve dhe përdoruesit e biznesit në lidhje me mangësitë në përpjekjet e pajtueshmërisë së kompanive./Opinion.al
