Bashkimi evropian është në proces të formimit të një ushtrie të re e cila do të quhet Ushtria e BE-së. Këto plane janë bërë të ditura në takimin e diplomatëve evropian në Pragë të Çekisë.
Ata kanë njoftuar se një ushtri e Bashkimit Evropian do të ndërtohet pas Brexit-it, pasi udhëheqësit zbuluan se Britania ishte arsyeja e vetme që kjo nuk kishte ndodhur deri më tani, shkruan Indeksonline.
Kryeministri i Çekisë Bohuslav Sobotka, tha të hënën se së shpejti klubi i 27-anëtarësh do të dalë me një forcë të përbashkët ushtarake për t’u përballur me kërcënimet në rritje nga terrorizmi, agresioni Rus dhe fluksin pashembullt të refugjatëve.
Duke folur në një takim të diplomatëve çeke në Pragë, ai tha se një ushtri e përbashkët e BE-së nuk është konkurrente me NATO-n, por do të jetë një partner i rëndësishëm i NATO-s.
Kryeministri Çek Sobotka, i bashkohet një numri në rritje të udhëheqësve dhe zyrtarëve evropianë të cilët janë duke bërë thirrje për intensifikimin e integrimit ushtarak pas Brexit-it.
Eurodeputeti polak Janusz Korëin-Mikke dje tha se udhëheqësit e bllokut donin që Britania të largohet nga BE-ja, sepse ajo paraqiti një pengesë të madhe për të krijuar një ushtri evropiane.
“Mendimi im është Brexit u mbështet nga z.Junker dhe udhëheqja e BE-së për shkak se Britania ishte një pengesë për formimin e ushtrisë evropiane”, tha Mikke.
Komentet e tij erdhën pasi presidenti i Komisionit Evropian, Jean-Claude Juncker tha të dielën se BE e ka të nevojshme formimin e forcave të veta të armatosura për të “përmbushur” misionin e saj në botë.
