Bashkimi Europian ka reaguar pas ngjarjes së ndodhur mbrëmjen e djeshme në Shtërpcë, ku u plagosën dy shtetas serbë.
Zëdhënësi i Bashkimit Evropian, Peter Stano, tha se BE-ja e dënon me vendosmëri plagosjen e dy të rinjve serbë dhe ka kërkuar nga autoritetet e vendit të hetojnë plotësisht, sipas tij, këtë krim të neveritshëm.
“BE-ja dënon me vendosmëri plagosjen e një fëmije dhe një të riu në Kosovë dje. Është e rëndësishme që autoritetet të hetojnë plotësisht këtë krim të neveritshëm dhe drejtësia të ushtrohet. I urojmë viktimave shërim të plotë dhe të shpejtë”, ka shkruar Stano në Twitter.
Kujtojmë se njëri nga të plagosurit është 11-vjeç dhe tjetri 21. Policia e Kosovës ka bërë të ditur se e ka arrestuar një person lidhur me ngjarjen.
