BRUKSEL- “Rreth 100 000 emigrantë do të vendosen Ballkan duke filluar nga Greqia. Kjo masë merret për të ndihmuar Europën që përballet me fluksin historik”. Kështu ka deklaruar sot Presidenti i Komisionit Europian Jean-Claude Juncker. Sipas këtij plani, gjysmën do ta mbajë Greqia. 50 mijë emigrantë do të vendosen në kampet greke dhe 50 000 të tjerë do të strehohen në shtetet e Ballkanit Perëndimor, përfshirë edhe Shqipërinë. Plani gjithashtu parashikon që zyrtarët nga agjencia e kufirit të BE, FRONTEX, do të dërgohen në kufirin mes BE dhe shteteve të Ballkanit jo në BE për të siguruar që refugjatët të regjistrohen siç duhet. Synimi i masave është të ngadalësohet fluksi i refugjatëve derisa të arrihet një marrëveshje me Ankaranë për të akomoduar më shumë refugjatë në Lindja e Mesme në Turqi. U ra dakord gjithashtu që refugjatët që nuk do të kërkojnë mbrojtje ndërkombëtare nuk do të lejohen të kalojnë kufijtë dhe se çdo vend duhet të informojë fqinjin kur transporton refugjatë në vende të caktuara përgjatë kufijve.
