Shqipëria u eliminua nga Euro 2024 pas humbjes me Spanjën.
“Edhe pse nuk arritën të kualifikoheshin në fazën tjetër, kombëtarja jonë fitoi zemrat e shumë tifozëve të futbollit”, kështu shkruan BBC.
Shqipëria nuk ka luajtur asnjëherë në një Botëror dhe kjo ishte hera e dytë që ajo shfaqet në Kampionatin Evropian, tetë vjet pasi nuk arriti të dilte nga faza e grupeve.
Detyra e tyre dukej jashtëzakonisht e vështirë, pasi ata u renditën përkrah Spanjës, kampionëve në fuqi të Italisë dhe finalisteve të Kupës së Botës 2018, Kroacisë.
Por ata bënë për vete shumë tifozë me performancat e tyre guximtare.
Ata shënuan pas vetëm 23 sekondash për të kaluar në epërsi ndaj Italisë me golin më të shpejtë në historinë e Euros.
Ata humbën përfundimisht 2-1 ndaj Azzurrëve, por në ndeshjen e tyre të dytë ata shënuan golin e barazimit pesë minuta pas pushimit të pjesës së dytë për të barazuar 2-2 me Kroacinë.
Shqipëria luftoi fort kundër Spanjës dhe me zëvendësuesin e Brojës, duke shkaktuar probleme, duke tentuar për një gol që do t’i bënte të ishin të tretat në grup dhe do të mbante të gjalla shpresat shumë të pakta për t’u kualifikuar.
Megjithatë, as “siluri” i Asllanit dhe as shansi i Brojës në kohën shtesë nuk i dhanë mundësi Shqipërisë të vazhdonte më tej dhe konkurrimi i tyre në këtë kompeticion mori fund”
