Gjigandi britanik i informimit, BBC ka bërë një investigim për kultivimin e kanabisit në Shqipëri. BBC njofton shfaqjen së shpejti të dokumentarit të realizuar në Shqipëri, duke e cilësuar “prodhuesin më të madh të kanabisit në Evropë”.
“Kjo industri e paligjshme mbikëqyret nga grupet e krimit të organizuar. Shumica e drogës trafikohet jashtë dhe shumica e fshatrave varen nga paratë që përfitohen nga shitja e saj. Qeveria shqiptare po përpiqet të luftojë këtë industri duke asgjësuar miliona bimë narkotike”, raporton shkurtimisht BBC.
Investigimi i plotë do të publikohet gjatë ditës së sotme, e cila do të përcjellë fakte dhe detaje të kultivimit të drogës dhe implikimit të zyrtarëve.
