BBC po planifikon të “modernizojë” departamentin e lajmeve duke kaluar nga tradicionalja në dixhitalizim dhe për të arritur këtë do të mbyllë 450 vende pune.
Gjithashtu këto shkurtime bëhen sipas BBC edhe për të përfunduar objektivin e kursimeve prej 80 milionësh deri në vitin 2022.
Këto ndryshime janë konsideruar të mëdha për BBC, që njihet për famën që ka në botë për cilësinë e lajmeve dhe programeve.
Ato që do të preken nga mbyllja e vendeve të punës do të jenë Newsnight të BBC Two, BBC Radio 5 Live etj.
Drejtuesja e BBC Fran Unsworth u shpreh se këto ndryshime do të bëhen për t’u fokusuar në gazetari dixhitale.
“Na duhet të ristrukturojmë departamentin e lajmeve të BBC-së për dekadën e ardhshme, në mënyrë që të kursejmë shumë para. Ne jemi duke shpenzuar shumë për transmetim tradicional dhe jo aq sa duhet në atë dixhital”, -ka deklaruar mes ajo të tjerash.
Sipas BBC nga shkurtimet e planifikuara do të mund të ruhen 104 milionë dollarë. Pjesë e shkurtimeve do të jenë edhe mbyllja e disa programeve. Në BBC News aktualisht janë të punësuar rreth 6.000 njerëz, përfshirë 1.700 jashtë Britanisë./Opinion.al/
