Vijojnë të dalin detaje në lidhje me operacionin ndërkombëtar të antidrogës, ku Guardia di Finanza, DEA amerikane dhe policia shqiptare goditën një grup kriminal, që bazën e trafikut e kishte në Fushë-Kuqe.
Deri tani në lidhje me këtë operacion policia ka arrestuar 6 persona, shqiptarë dhe të huaj, mes tyre dhe ish-efektivi i policisë, Ardit Ismailuka.
Sipas gazetares Klodiana Lala, këtij të fundit i janë gjetur cash 10 milionë lekë.
Ndërkaq, në kuadër të këtij operacioni, sipas gazetares Lala, dje dhe sot është ushtruar kontroll në një kompleks luksoz në Fushë-Kuqe, ku mendohet se ka qenë dhe baza e këtij rrjeti kriminal, që thuhet se i përket një personi të dënuar dhe të shpallur në kërkim ndërkombëtar për trafik heroine.
Disa prej të arrestuarve kanë refuzuar që të japin shpjegime, pavarësisht tentativës së oficerëve.
