Komandanti e forcave ajrore të NATO-s,Gjeneral Tod Wolters vizitoi sot Shqipërinë dhe bëri të ditur invesitimin që do të bëhet përgjatë 5 viteve në bazën ajorore të NATO-s në Kuçovë.
“Unë do të flas për Shqipërinë në lidhje me Kuçovën. Kemi një fushë të pozicionuar në një vend shumë strategjik. Ka kushte atmosferike shumë të mira ku edhe mund të ulen shumë lehtësisht avionët,”- tha ai.
Më tej ai shtoi se “në bazën ajrore të Kuçovës deri tani është bërë një punë shumë e mirë. Do vazhdojë investimi, do ketë edhe një ekip ajror që do t’i shtohet. Qëllimi ynë është vetëm të ecim përpara. Shqipëria ka dhënë kontributin e saj për NATO-n”.
Nga ana e saj, ministrja Xhaçka siguroi se Shqipëria është një vend i sigurt, ku Aleanca do të investojë kapacitetet e saj, ç’ka rrit jo vetëm sigurinë kombëtare por edhe sigurinë në të gjithë Ballkanin.
“Brenda pak muajsh do jetë gati master-plani nga Agjencia e NATO-s për Prokurimet dhe Mbështetjen – NSPA. Master-plani i hap rrugë fillimit të punimeve në terren. /Ri-De
