Bayern Munich ka turpëruar Hamburgun, duke e mposhtur 8:0
Carlo Ancelotti e ka festuar me spektakël ndeshjen e njëmijtë në karrierë si trajner, pasi skuadra e tij e shkatërroi Hamburgun në Allianz Arena, duke e mposhtur me rezultat të thellë 8:0, shkruan Gazeta Express.
Golat për Bayern Munich i shënuan Robert Lewandowski (24’, 42’ e 54’), Arturo Vidal (17’), Alaba (56’), Kingsley Coman (65’ e 69’) dhe Arjen Robben (87′).
Në këtë ndeshje nga minuta e parë për Hamburgun luajti mbrojtësi i Kombëtares shqiptare, Mërgim Mavraj, por nuk arriti që të ndalë sulmin e frikshëm të vendasve.
Pas kësaj fitore, Bayerni ka shkuar në kuotën e 53 pikëve, pesë më shumë se RasenBallsport Leipzig, që vazhdoi me formën e mirë, pasi mposhti Kolnin në xhiron e 22’të në Bundesliga.
