Bayern Munchen-Borussia Dortmund, ndeshja që do të luhet këtë fundjavë, nuk duhet të humbet nga asnjë tifoz, jo vetëm sepse kjo përplasje me shumë gjasë do të vendosë rrugën e titullit kampion në Bundesligën gjermane, por dhe sepse sipas mediave vendase, spektakli është i garantuar edhe jashtë fushës.
Të shtunën, në orën 18:30, bavarezët dhe skuadra verdhezi do të luajnë në “Allianz Arena”, dhe plot 25 kamera do të jenë në stadium për të mos humbur asnjë detaj të 90-minutëshit, ndërsa pamjet nga ajri do t’i mundësojë një “drone” me kamera të integruar. Prapa portës do të ketë për të parën herë kamera të vogla “ultraslowmotion”, që do të komandohen nga larg. Pamja e tyre kalon përtej rrjetës së portës dhe pritet të shfaqin disa momente të bukura, risi për Bundesligën.
Bayern Munchen dhe Borussia Dortmund janë dy ekipet që kanë ndarë mes tyre 9 titujt e fundit në Gjermani, por kjo është ndeshja me më shumë kuptim mes tyre, që prej finales së vitit 2013 në Champions League, zhvilluar në “Wembley”. /Opinion.al
