Kryeministri Edi Rama ishte ditën e sotme në Kolonjë, pas zgjedhjeve të pjesshme lokale atje, ku fitues doli Ilia Stefo i koalicionit të majtë.
Rama, gjatë fjalës së tij, nuk i kurseu batutat. Ai tha para kolonjarëve se me këtë fitore e ka futur qeverinë në borxh.
Gjithashtu, ai falëndëroi Niko Peleshin për kontributin në fitoren e thellë në Kolonjë dhe e thumboi në lidhje me Korçën.
“Që t’i japim diçka më shumë Kolonjës, atëherë duhet t’ia heqim Korçës”, tha Rama. “Edhe vetë Ilia Stefo thoshte nëpër takime, vij me Nikon se ai ka paratë”, shtoi Rama.
“Pas fitores fillon borxhi dhe ndaj Kolonjës kemi një borxh më të madh sesa e kishim”, vijoi Rama. “Pas të dielës jemi në një borxh të madh me Kolonjën”, shtoi ai.
Rama i drejtohet Ilia Stefos: Zysh Arta s’të njihte, tha ç’është ky, ku e gjetet
Në fjalën e tij në Kolonjë, Rama shkëmbeu batuta edhe me Ilia Stefon, kreun e ri të Bashkisë së Kolonjës.
Ai tha se Ilia duhet të jetë model edhe për mjekët e tjetër, që në detyrë janë të mirë dhe pasi marrin votën nuk duan t’ia dinë.
“Ti Ilia duhet të jesh i mirë me të gjithë, se shqiptarët nuk kanë rekorde pozitive kur votojnë mjekët. Ilinë e zgjodhëm se e deshët ju. Madje zysh Arta tha: Ç’është ky Ilia, ku e gjetët?!”, tha Rama.
